Adrès
Calle Principal, No 12, Sector La Altagracia de Bella Vista, Ruta RPA, Santiago, Repiblik Dominikèn.
Kiyès nou ye?
Doktè Oriol Jn Baptiste Sainvil fonde Klinik SESAHD jou ki te 22 jen 2021 kote li te ofri sèlman sèvis lojistik pou sejou pasyan touris ki te soti Ozetazini, Ayiti, Panama, Kanada, Turks and Caicos, elatriye… ki te konn vin pran sèvis sante nan Repiblik Dominikèn.
26 mas 2022 nou te inogire Sant Sante SESAHD kote nou te kòmanse ak konsiltasyon Onkolojik (Kanserolojik), kadyoloji, Medsin Entèn ak Nitrisyon Klinik e Onkolojik, jiska 19 oktòb 2024 lè nou te lanse pwojè lopital sa sou non KLINIK SESAHD nan premye faz li.
Nou se yon Lopital Prive ki sitiye nan yon kontèks lokal, espesyalman nan ri prensipal nimewo 12 nan sektè Altagracia nan Bella Vista, Santiago de los Caballeros, ki vize a tout popilasyon dominiken an ak atansyon espesyal nan touris sante.
MISYON
Bay tout popilasyon an pi bon jan swen medikal ki baze sou prèv syantifik ak kontni etik, ak efikasite ki satisfè bezwen swen sante popilasyon an.
VIZYON
Kreye e soutni yon sistèm sante prive konplè, ki ofri yon espas pou kwasans ak devlopman pwofesyonèl ki ekselan nan fason yo pran swen pasyan yo ak fanmi yo.
VALÈ
Ekselans, Seryite, Entegrite, Respè, Anpati, Responsablite, Solidarite, Opòtinite, Transparans ak Ekite.
Sèvis
Kontakte nou atravè fòm sou entènèt nou an, pou jwenn sèvis nou yo
SÈVIS KONSILTASYON:
Nou ofri konsiltasyon medsin jeneral ak espesyalize: Medsin Jeneral, Medsin Entèn, Kadyoloji, Onkoloji, Ematoloji (Dantis), Nitrisyon Klinik e Onkolojik, Jinekoloji, Pedyatri, Dèrmatoloji, elatriye...
SÈVIS IMAJ:
Nou fè diferan Sonografi: 3D ak 4D, Kou, Tiwoyid, Tete, Obstetrik, Vajinal, Basen, Prostatik, elatriye... ak espesyalis medikal kalifye pou ba ou bon rezilta.
LABORATWA KLINIK:
Nan alyans nou genyen avek laboratwa klinik Globulab, nou ofri diferan tès laboratwa klinik nan lokal nou e nou al fé yo pou ou tou lakay ou si pasyan an paka soti.
ODONTOLOJI (Dantis):
Nou ofri sèvis sante dantè ak teknoloji modèn nan men yon ekip pwofesyonèl medikal kalifye nan diferan branch ak bon jan kalite imen pou ba yon sévis konplé pou bezwen w yo. Nou fè: Dantisri Jeneral, Òtodonti, Andodonti, Pwotèz Dantè, Enplant Dantè, Blanchiman dantè, elatriye.
ONKOLOJI (Kanseroloji):
Ansanm ak diferan enstitisyon alye (Clínica Corominas, REVIVE, Cimen, Globulab ak CRC) nou ofri tretman miltidisiplinè pou pasyan ki gen kansè tankou: Chiriji Onkolojik, Chiriji Onkoplastik, Chimyoterapi, Radyoterapi, Iminoterapi, Òmonnterapi, elatriye.
KALITE SÈTIFYE:
Sante Piblik nan Repiblik Dominikèn rekonét nou e ban nou sètifia ki pèmèt nou ofriw tout sèvis sa yo nan klinik SESAHD.
